Deepfakeak adimen artifizialarekin manipulatutako bideoak edo audioak dira. Benetako aurpegiak eta ahotsak hain zehatz imitatzen dituztenez, erraz engaina dezakete. Buloak zabaltzeko, adierazpenak faltsutzeko edo norbaiten izen ona kaltetzeko erabiltzen dira.

Ohartu al zara zineman krispeten poltsa ertaina dela “zentzuzkoena”? Edo kafetegi batean kafe txikia ia ertaina bezain garestia dela, eta azkenean handia aukeratzen duzula? Hori ez da kasualitatea: amu-efektua esaten zaio. Saltokiek produktuen tamainak eta prezioak diseinatzen dituzte, ondo aukeratzen ari garela sinetsita, uste baino gehiago gasta dezagun.

Iaz, 500 ikaslek baino gehiagok parte hartu zuten atxikitako ikastetxeetan antolatutako saioetan. Saio horien abiapuntua martxoaren 15a da, Kontsumitzaileen Eskubideen Nazioarteko Eguna.

“Etorkizuneko kontsumitzaileak sentsibilizatu nahi ditugu, kontsumoaren arloko eskubide eta betebeharrak modu atsegin eta didaktikoan hurbilduz eta tokiko merkataritza ahaztu gabe”, ziurtatu du David Solla Inguraldeko presidenteak.