Enpresak eta Merkataritza Berriak
Batuzen derrigortasunaren atzerapena eta borondatez ezartzeko pizgarri berriak
Elkargo profesionalen, enpresa-elkarteen eta zerga-aholkularitzaren arloko elkarteen ekarpenak jaso ondoren, Foru Ogasunak komenigarritzat jotzen du Batuz derrigorrez aplikatzeko ezarritako epea malgutzea. Beraz, epe hori 2024ko urtarrilaren 1era arte atzeratuko da eta Batuz 2022an edo 2023an ezartzen duten autonomoentzat, mikroenpresentzat eta ETEentzat %15erainoko konpentsazioa ezarriko da PFEZn edo Sozietateen gaineko Zergan. Gaur arte Foru Ogasunak 42 prestakuntza-jardunaldi egin ditu Batuzi buruz, eta 6.100 profesionalek parte hartu dute. Ogasuneko bulego birtuala, BizkaiBai, urtebete beranduago itxiko da zergadunak Foru Aldundiaren egoitza elektronikora pixkanaka egokitzen joan daitezen.
Inguraldek TicketBAI fakturazio-sistemari buruzko prestakuntza eta komunikazio-jarduera areagotu du, laster jarriko baita indarrean
Bizkaiko enpresa guztiak behartuta daude 2022ko urtarrilaren 1etik Batuz - TicketBAI fakturazio-sistema erabiltzera, Bizkaiko Foru Aldundiak diseinatua.
Barakaldoko Udalak "beharrezko baliabideak jarriko ditu enpresek TicketBAIri buruz duten prestakuntza eta informazio eskariari erantzuteko, sistema indarrean jarri baino lehen“, ziurtatu du David Solla Sustapen Ekonomikoko zinegotziak.
Barakaldok alkoholaren eta tabakoaren salmentaren eta kontsumoaren mugei buruzko informazio kartela banatu du ostalaritza establezimenduen artean
Ekimena Barakaldoko Udalak eta Eusko Jaurlaritzak substantzia horien kontsumo arduratsua sustatzeko hartutako konpromisoaren barruan kokatzen da
Lokal bakoitzak kartelaren bi ale jasoko ditu, Eusko Jaurlaritzaren Adikzioen eta Droga Mendekotasunen Legeak ezarritako murrizketak jasotzen dituena
Euskadiko egoera epidemiologikoaren hobekuntzari esker, murrizketak malgutu ahal izango dira larunbatetik aurrera (06-19)
NEURRI BERRIAK
Egoera berriaren baitan, LABIren Aholku Batzordeak Dekretua aldatu du, eta bihar, ekainak 19, jarriko da indarrean. Hauek dira hartutako erabaki garrantzitsuenak:
- Jarduerak ixteko ordutegia gaueko ordu biak arte luzatuko da. Oro har, edukieraren muga % 60-koa izango da.
- Edozein gizarte-, kultura- edo kirol-ekitalditarako, gehienez 600 pertsona egongo dira barruan eta 800 kanpoan. 1.600 eta 5.000 pertsona arteko edukiera duten esparruetan, maximoa 800 pertsonara zabaltzen da barnealdean eta 1.200 pertsonara kanpoan. 5.000 pertsonatik gorako edukiera duten instalazioetan, gehieneko edukiera % 30ekoa izango da.
- Ostalaritzan, mahai bakoitzeko sei lagun elkartzea ahalbidetzen da, bai kanpoan eta baita barruan ere. Barneko edukiera % 50-ean mantenduko da.
- Txokoak eta elkarte gastronomikoak ireki ahal izango dira, ostarlaritzaren irizpide berdinekin. Edukieraren muga % 50-ekoa izango da, eta goizeko bederatzietatik gaueko ordu biak arte irekiko dira.
- Aire librean egiten diren kultura, turismo edo natura bisitetan taldeek 20 pertsona elkartu ahal izango dute. Barnealdean 10 pertsona elkartu ahal izango dira.
- Barruko instalazioetako kirol-jarduera 10 pertsonako taldetan egituratu ahal izango da. Aldageletako edukiera % 50-era arte handituko da. Eskola-kirolaren lehiaketak udako txapelketetarako baimenduko dira.
Irizpide horien jarraipena eta ebaluazioa etengabea izango da, eta 15-20 eguneko epean berrikusiko da, aldez aurretik edozein berregokitze egitea beharrezkoa ez bada. Lehendakariak adierazi duenez, joera positiboa mantentzen bada Bizi Berri III planak proposatzen dituen neurri berriak hartuko dira, edota osasun larrialdia bertan behera uztea aztertuko da.