ABK elkarteak antolatuta, Inguralderekin eta Barakaldoko Udalarekin elkarlanean, "Bizi ABK Bizi Barakaldo Egunak" Barakaldoko merkataritza-sektorearen aniztasuna eta potentziala hurbilduko die herritarrei, gaikako aurkezpen eta tailerren bidez.

Amaia del Campo alkateak inauguratu du gunea gaur goizean, eta herritarrei dei egin die "gure saltokien zerbitzu-kalitatea eta berrikuntza-gaitasuna ezagutzera".

Zabalik dago ekintzailetzarako eta turismo-enpresen lehiakortasunaren hobekuntzarako dirulaguntza-programan izena emateko epea. Programaren helburua negozio berrien sorrera, berrikuntza teknologikoa, eta eskaintzaren hobekuntza eta optimizazioa sustatzea da, baita jarduerak turismo seguru, jasangarri, arduratsu eta irisgarrirantz bideratzea ere.

Ekainaren 5ean, CECOBI — Bizkaiko Merkataritzako Enpresarien Konfederazioaren eskutik, informazio-jardunaldi bat antolatuko dugu Inguralden, 1 eta 10 langile bitarteko mikroenpresek Bizkaia Mikro foru-sozietateak eskaintzen dituen komisiorik eta abal pertsonalik gabeko maileguen berri izan dezaten.