Nola ordaindu mugikorrarekin segurtasunez?

Mugikorrarekin ordaintzea gero eta ohikoagoa da. Ordaintzeko modu horrek bizitza erosoagoa egin diezazuke: ez duzu eskudirurik izan behar aldean, ezta kreditu-txartelik ere; mugikorra edo erlojua baino ez duzu behar. Baina ez ahaztu segurtasun-neurriak. 

Gailu horiek NFC (Near Field Communication) teknologia erabiltzen dute: ordainketak azkar eta segurtasunez egiten dira, gailua ordainketaterminal batera hurbilduta, besterik gabe. Erosoa izan arren, ordaintzeko modu horrek arriskurik ere badu; beraz, egin kasu aholku hauei zure informazio pertsonala eta zure dirua babesteko:

• Desaktibatu NFC aukera zure gailuan, erabiltzen ari ez bazara. 
• Segurtasun handiagoa izateko, zure gailuaren ezarpenak alda ditzakezu, ordainketa bat egin aurretik autentifikazio bikoitza eska diezazun (PINa, hatz-marka digitala edo aurpegia ezagutzea).
• Erabil ezazu datu mugikorren sarea ordainketa egiteko. Wifi publikoek arrisku handiagoa dakarte, ez direlako seguruak.
• Aztertu maiz zure kontuak, eta egiaztatu ez dagoela ezohiko mugimendurik. 

Iturria: Kontsumobide aldizkaria. 50 zk.