Informazio interesgarria

Legearen arabera, kontsumitzaile orok dituen oinarrizko eskubideak ondorengoak dira:

• Beren osasunari edo segurtasunari eragin diezaioketen arriskuen kontrako babesa izatea.
• Beren interes ekonomiko eta sozial legitimoen babesa izatea; batez ere, kontratuetan abusuzko klausulak sartzearen kontra.
• Izandako kalteak ordaintzea eta galerak konpontzea.
• Ondasun edo zerbitzuei buruzko informazio zuzena izatea, eta produktu edo zerbitzuok egoki erabiltzen, kontsumitzen edo gozatzen jakitera bideratutako hezkuntza eta dibulgazioa.
• Ordezkatuak eta kontsultatuak izatea, legez eratutako kontsumitzaile eta erabiltzaileen elkarteen bitartez.
• Beren eskubideak babestuak izatea, prozedura eraginkorren bidez, bereziki gutxiagotasuna, mendekotasuna edo defentsa-gabezia gertatzen den egoeretan.