Enpresak eta Merkataritza
Lutxanako auzoko ostalaritzak barrak atera ahal izango ditu kalera jaietan
Barakaldoko Udalak baimena ematen du, oro har eta apirilaren 17tik 26ra (biak barne) Lutxana 2026 auzoko jaiak ospatzeko, Auzoko Jai Batzordeak hala eskatuta, jarduteko baimena edo gaikuntza-titulua duten ostalaritza-establezimenduetan barra-mostradore bat jartzeko bide publikoan, baina lokalari erantsita, produktuak banatzeko edo zerbitzatzeko.
Barakaldok “La Cuadri del Hospi” proiektu solidarioari 3.500 euro eman dizkio, izotz pistako sarreren bilketari dagozkionak
Barakaldoko Udalak Herriko Plazako izotz-pistaren irekieran Gabonetan iragarri zuen bezala, jardueraren bi asteetan jasotako zenbateko osoa elkarte horrek haurren minbiziaren ikerketaren alde egiten duen lana babesteko erabiliko da.
“Euro bakoitzak balio du minbiziaren aurkako borrokan, eta izotz-pistaz gozatu zuten pertsonek ordaindu zuten elkartasun-sarrera horrek ahalik eta helmuga onena izango du”, adierazi du Amaia del Campo alkateak, bildutako dirua emateko ekitaldian.
Barakaldok herriko merkataritzarekiko “maitasuna” sarituko du San Valentin egunean, opari-packen zozketa batekin
ACE Barakaldo Elkarteak, Inguralderekin elkarlanean, “BARAKALovers” kanpaina antolatu du, “Barakaldon eta bere dendan sinesten dutenek” beren estimua erakuts dezaten. Horretarako, selfie bat egingo da atxikitako establezimenduen aurrean, eta 50 euroko 10 opari-sorta zozkatuko dira.
Barakaldok Emakume eta Neska Zientzialarien Nazioarteko Eguna ospatuko du, erakusketa, tailer, ikuskizun eta “Otsailaren 11 erakusleihoak” ekimenarekin, 78 saltokitan
Gaurtik otsailaren 11ra bitartean, ekimenarekin bat egiten duten saltokiek beren erakusleihoak jantziko dituzte, Elhuyarrekin lankidetzan antolatutako eta Barakaldoko Udalak laugarren urtez jarraian parte hartuko duen “Otsailaren 11 erakusleihoen” edizio honetan aukeratutako 12 emakume zientzialarietako bat omentzeko.
Aste osoan zehar adin guztietako jendearentzako jarduerak egongo dira, hala nola “Zientzia argitzen duten emakumeak” erakusketa, familientzako zientzia- eta teknologia-tailerrak eta txotxongilo-ikuskizun bat.