Enplegagarritasun zaila duten kolektiboei zuzendutako birgaitze- eta birkokatze-proiektuak bultzatuko dira, hazteko ahalmena duten produkzio-sektoreetan sar daitezen errazteko

Programa 16 eta 29 urte bitarteko pertsonei zuzenduta dago, eta Lanbide-Euskal Enplegu Zerbitzuak Berreskurapen, Eraldaketa eta Erresilientzia Planaren esparruan ematen dituen laguntzen deialdiaren parte da. Plan hori Europar Batasunak (-Next Generation EU) finantzatzen du.

Ekimenak aukera emango du Lanbiden 31 langabe eta enplegu-eskatzaile kontratatzeko, 10 hilabetez eta lanaldi osoan, baldin eta arlo espezifikoetan titulazioa badute, besteak beste, Big Data, marketin digitala, GIS, arkitektura, ikus-entzunezko edizioa edo bide-mugikortasuna.

Hil honen erdialdean, Lanbide-Euskal Enplegu Zerbitzuak deialdian jasotako onura publikoko 30 proiektuetako edozeinetan izena emateko eskaintzak egingo ditu. Horietan, 63 pertsona zuzenean kontratatuko dira, gehienez ere 6 hilabetez.

Prozesu osoa, 31 pertsona kontratatzeko enpresei laguntzak ematea ere aurreikusten duena, etengabe eta eguneratuta islatuko da www.inguralde.eus webgunean eta Inguralderen sare sozialetan.