Max Centerrek ideia ekintzaileen lehiaketa bat antolatu du, eta proiektu onenak aldi batez zentroaren barruan kokatutako stand bat doan erabiltzeko aukera izango du

"Open Call Max Center" espiritu ekintzailea duten pertsonei eta hazkunde-ahalmena daukaten eta beren proiektua merkataritza-ingurune finkatu batean probatu nahi duten marka sortuberriei dago zuzenduta.

Max Centerrek "Open Call Max Center" izeneko lehiaketa berritzaile bat abian jarriko duela iragarri du. Ideia ekintzaile onenari zentroaren barruan kokatutako stand formatuko merkataritza-gune bat utziko dio aldi baterako, bere proiektua erosketa-jarduera handiko ingurune batean proba dezan.

Barakaldon, 2026ko maiatzaren 12an

Edonork har dezake parte lehiaketan, www.maxcenter.com webguneko formularioa betez. Hautagaitzak aurkezteko epea maiatzaren 31n amaituko da eta proiektu irabazlea ekainaren 11 baino lehen iragarriko da.

Lehiaketaren oinarrietan adierazten den bezala, hautatutako ideiak eskubidea izango du 2026ko uztaila eta urria bitartean hilabete batez "Max Centerren" altzariz hornitutako stand formatuko merkataritza-gune bat erabiltzeko, bi alderdiak ados jarri ondoren. Epe horretan, ordainsaria edo beste kontraprestazio batzuk ordaintzetik salbuetsita egongo da.

"Open Call" Max Center merkataritza-gunea kudeatzen duen Sonae Sierra erakundeak bultzatutako programa da, Bilboko Merkataritza Ganberarekin lankidetzan garatua. Helburua ekintzaileei beren proiektua benetako ingurune batera eramateko aukera eskaintzea da. Horrela, denbora-tarte jakin batean, beren ideiak baliozkotu, beren proiektua ezagutarazi eta bezeroekin zuzenean harremanetan jartzeko aukera paregabea izango dute, ingurune dinamiko eta ikusgarri batean.