San Bizente Bizirik larunbat honetan itzuliko da, adin guztietarako jarduerez betetako egunarekin
Auzoko merkataritzak, ostalaritzak eta hainbat erakundek indarrak batu dituzte berriro Inguralderen babesarekin antolatutako ekimen honen hirugarren edizioan.
Barakaldon, 2026ko azaroaren 06an
San Bizente auzoak San Bizente Bizirik ekimenaren edizio berri bat ospatuko du larunbat honetan, azaroaren 7an. Auzoa dinamizatzeko jardunaldi honetan, kultur, kirol eta aisialdiko jarduerak izango dira auzoko hainbat gunetan, 10:00etatik 20:00etara.
Aurreko edizioek izandako harrera onaren ondoren, hirugarren edizio honetan, Sanbi Dendak merkatarien elkarteak, Laguntasuna Elkarteak, Union Sport San Vicente, Wild Dance Project, Delorean Dance School, San Bizenteko Bolatokiak, Karate Done Bikendi, Schola Cantorum, San Bizenteko Jai Batzordeak eta auzoko 17 ostalaritza-establezimenduk indarrak batu dituzte, San Bizenteri ikusgarritasuna emateko eta bertako jarduera ekonomikoa, kulturala eta soziala balioan jartzeko, adin guztietarako egitarau zabala eskainiz.
Gainera, ospakizunaren aurreko egunetan, Sanbi Dendak elkarteko saltokiek tokiko erosketak sarituko dituzte, parte hartzen duten saltokietan erabiltzeko deskontu-bonuekin, ostalaritza-establezimenduetan kontsumitzeko bonuekin eta San Bizenteko elizateko plazan egingo den txokolate-janean parte hartzeko bonuekin.
San Bizente Bizirik ekimenak Inguralderen babesa du, Barakaldoko auzoetako hurbileko merkataritza eta auzo-bizitza dinamizatzen laguntzen duten ekimenei ematen dien laguntzaren barruan.
Jarraian, San Bizente Bizirik ekimenaren kartela eta jardueren egitarau osoa kontsulta ditzakezu.