Barakaldo, 2019ko urriaren 11a 

Barakaldoko merkataritza arloa garaiz iritsi da Euskal Autonomia Erkidegoko hiriguneetan merkataritza-ekintzailetza bultzatzeko Eusko Jaurlaritzako Turismo, Merkataritza eta Kontsumo Sailak eskaintzen dituen laguntzak eskatzeko , zeinen epea aste honetan amaitzen den. Inguralde Barakaldoko Udalaren garapen agentziatik, sektorea animatu nahi da jardueraren hasierako momentuetan laguntza garrantzitsua eskaintzen duten diru-laguntza hauek eskatzera, haiekin ordaindu ahal diren gastuak %70era iritsi daitezkeelako. 

"Urtarrilaren 1az geroztik merkataritza jarduera bat hasi duten pertsonentzat onuragarria izan daitekeen laguntza garrantzitsua da.  Lehen hilabeteek gastu ugari suposatzen dute eta programa honekin eskaera bakoitzeko gehienez 20.000 euroko diru-laguntza jaso daiteke. Sektoreari eta ekintzaileei ohiko kanalen berri eman diegu jada, baina gogoratu nahi diegu oraindik garaiz daudela eskaera egin ahal izateko eta Inguraldera jo dezaketela tramitatzeko orduan aholkuak jasotzeko", azaldu du Ekonomia eta Enpresa Garapen eta Hiri Estrategia eta Garapenerako (Smart) zinegotziak, David Solla. 

Laguntza eskaera egiten den unean merkataritza jarduera garatzen ari diren enpresa txiki eta ertainei eta autonomoei zuzenduta dago, eta enpresa eratzeko eta negozioa martxan jartzeko kostuak barne hartzen ditu, hala nola lokala alokatzea, irudiaren diseinua, bideragarritasun azterketak, lokala egokitzeko lanak, altzariak, eta abar. 

Informazio gehiago lortzeko interesa dutenek Inguraldeko Merkataritza eta Hiri Enpresa arloarekin harremanetan jarri daitezke 944 789 395 telefono zenbakira deituz edo mezu bat idatziz Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. postara. 

Eusko Jaurlaritzak sustatutako laguntza programa hau iaz hasi zen, parte-hartze arrakastatsuarekin, sektoreak ekintzailetza eta merkataritza jarduerak sustatzeko programak indartzea eskatzen baitzuen. Ekimenak negozioen bikaintasunaren eta tokiko merkataritzaren berrikuntzaren aldeko apustua egin du eta gune behartsuenei bultzada eman nahi die. 

HARREMAN TELEMATIKOEN OINARRIZKO IKASTAROA 

David Sollak abisu hori aprobetxatu du aurreratzeko Inguraldek administrazio publikoarekin harreman telematikoetan aritzeko oinarrizko ikastaro bat prestatzen ari dela, merkataritza, hiri-enpresa eta ostalaritzari zuzendutakoa. Zure beharretara egokitutako prestakuntza praktikoa izango da, izan ere, sektoreko zati on batek beharrezko ezagutzak eskuratu ez dituela eta diru-laguntza horiek eskatzea bezalako prozedura telematikoak egiteko zailtasunak dituela jakin da.