Lanbidek, Bizkaiko Foru Aldundiak eta bost enpresa-klusterrek lankidetza berritu dute langabeen laneratzea eta enpresa-lehiakortasuna bultzatzeko

Basque Food Cluster, ACLIMA, Itsas Foroa, FVEM eta Build: Inn erakundeek hitzarmen bana sinatu dute 3R Empresa 2026 programaren barruan

 2026ko maiatzaren 27a

DEMAk, Bizkaiko Foru Aldundiaren Enplegua, Gizarte Kohesioa eta Berdintasuna Sustatzeko Sailaren Enplegu eta Ekintzailetza Foru Agentziak bultzazen duen 3R Enpresa Programak birorientazioa, birprestakuntza eta birkokatzea du helburu.

Langabeei zuzendutako birorientazio- eta birkolokazio-neurriekin, bost enpresa-klusterrek parte hartzen dute programan. Gaur, 2027ko martxora arte indarrean egongo diren hitzarmenak sinatu dituzte Lanbide eta Bizkaiko Foru Aldundiarekin. Elkarteak hurrengo hauek dira: Asociación Clúster de Alimentación de Euskadi (Basque Food Cluster), Asociación Clúster de Industrias de Medio Ambiente de Euskadi (ACLIMA), Asociación para la Promoción de la Industria Marítima Vasca (Foro Marítimo), Federación Vizcaína de Empresas del Metal (FVEM) eta Asociación Cluster de la Construcción de Euskadi (BUILD:INN).

Hitzarmenak sinatzeko ekitaldian, Mikel Torres Lehendakariorde eta Ekonomia, Lan eta Enplegu sailburuak animatu du “elkarrekin jardutera Euskadin lehiakortasuna bultzatzeko eta kalitatezko enplegua bermatzeko”, eta azpimarratu du Euskadik “gaitasunen baturatik” egin behar diela aurre ekonomia eta lana eraldatzeko erronkei. Zentzu horretan, “Euskadiren enpleguaren eta lehiakortasunaren etorkizuna gaitasunak batuz” eraikitzen dela, “ez bakarrik lan eginez” eta nabarmendu du.

Lanbideren “funtsezko” funtzioa

Lanbideren zeregina nabarmendu du Torres Lehendakariordeak: “funtsezko” funtzioa betetzen du enplegu eskatzaileen eta lan aukeren arteko loturan, orientazio pertsonalizatuaren, laneratzeko ibilbideen eta laguntza tekniko espezializatuaren bidez.

Izan ere, 2021etik, Euskal Enplegu Zerbitzu Publikoak 3R Enpresa Programan parte hartzen du. Lanbideren konpromisoa da bere orientatzaile-prospektore taldea esku jartzea orientazio-ekintzak koordinatzeko, parte-hartzaile bakoitzaren profil bat ezarriz, hezkuntza-maila, prestakuntza, ibilbidea, lan-esperientzia eta eskuratutako konpetentzia profesionalak eta zeharkakoak zehaztuz. Gizarteratzeko ibilbide pertsonalizatua diseinatuko da, zeharkako prestakuntza-ekintzak edo ekintza teknikoak ekar ditzakeena.

Gainera, Lanbidek erakundeen eskura jartzea Lanbideren eskaintzak kudeatzeko aplikazioa. Horrela, klusterrek Euskal Enplegu Zerbitzu Publikoan erregistratutako pertsonen profilak eskura ditzakete.

3R Enpresa programa enplegu politika aktiboen estrategia zabalago baten barruan kokatu du programa. Estrategia horrek Lehen Aukera edo 50+ Programa bezalako ekimenak biltzen ditu, baita Lanbideren hurrengo Administrazio Kontseiluan onartzeko aurreikusitako laguntza ildo berriak ere, desgaitasuna duten pertsonak eta ikertzaile gazteak kontratatzera bideratuak, prestakuntzarako laguntza berriez gain.