Langabeak mugarik gabe kontratatzeagatik enpresek laguntzak eskatzeko deialdia argitaratu da
Bizkaiko Aldizkari Ofizialak Barakaldoko langabeei eta erroldatutakoei 2024ko ekainetik 2025eko maiatzera bitartean egindako kontratu mugagabe bakoitzeko 8.000 eurorainoko dirulaguntzak emateko deialdia jasotzen du.
Inguraldek kudeatzen ditu laguntza horiek, 2025-2026 aldirako enplegua sustatzeko tokiko ekintzen programaren esparruan, eta Lanbide-Euskal Enplegu Zerbitzu Publikoaren finantzaketa dute.
Barakaldo, 2025eko abenduaren 15a
Barakaldoko Udalak dirulaguntzak emango dizkie berriro udalerriko langabeak mugarik gabe kontratatu dituzten eta kontratazio horiekin enplegu garbia sortu duten enpresa eta erakundeei, azaroaren 28ko Bizkaiko Aldizkari Ofizialean jaso bezala.
Laguntzak Lanbide-Euskal Enplegu Zerbitzu Publikoak finantzatzen ditu, Inguraldek kudeatzen duen 2025erako enplegua sustatzeko tokiko ekintzen programaren esparruan. Enpresa edo erakunde interesdunek kontratu mugagabeak eginak izan beharko dituzte – lanaldiaren % 50 gutxienez – 2024ko ekainaren 1etik 2025eko maiatzaren 31ra bitartean.
Deialdi honen gehienezko zuzkidura 192.279 eurokoa da, Lanbidek diruz lagundutakoak. Laguntzak eskatzeko epea 2026ko urtarrilaren 19an ireki eta 2026ko otsailaren 27an amaituko da.
Barakaldon erroldatuta egon eta Lanbiden gutxienez kontratazioa hasi aurreko egunean izena emanda eta alta emanda zeuden pertsonak plantillan sartzeaz gain, laguntzak jasotzeko ezinbesteko beste baldintza bat ere badago: kontratazio horiek enplegua garbi sortzea enpresan sartu aurreko 6 hilabeteetan zegoen batez besteko plantilla osoarekiko.
Laguntza urtean 8.000 eurokoa izango da lanaldi osoko lan-kontratu bakoitzeko. Lanaldi partzialeko kontratuen kasuan, dirulaguntza lan egindako lanaldiarekiko proportzionala izango da, eta azken zenbatekoak ezin izango du kontratatutako pertsonaren urteko soldata-kostuen % 75 gainditu.
Diru-sarrerak bermatzeko errentaren jasotzaileak, titularrak edo onuradunak, 35 urtetik beherakoak, iraupen luzeko langabeak edo 55 urtetik gorakoak kontratatzen badira, zenbatekoa kostuen % 100 izango da, urtean 10.000 €gehienez ere. Zenbateko horiek % 10 igoko dira kontratatutako pertsona emakumea bada.
Aurreko deialdietan bezala, laguntza zehatzak ere aurreikusten dira artisten eta ikuskizun publikoetako teknikarien eta laguntzaileen kontratuetarako, sektorearen beharrizanak eta egoera berezia kontuan hartuta. Kasu horretan, kontratuen gutxieneko iraupena 3 hilabetekoa izango da, eta gutxienez lanaldi erdikoa.
Interesa duten enpresek udalaren webgunearen egoitza elektronikoaren bidez eskatu beharko dituzte laguntzak. Halaber, informazio gehiago edo zalantzak argitu daitezke Inguraldeko Enplegu Sailean, 944 789 355 telefonoan edo Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. helbide elektronikoan. Arreta-ordutegia 09:00etatik 14:00etara da
