Barakaldok 52 ekintza aurkezten ditu 2025-2026ko Enplegu Ekintzen Planerako, 2 milioi euroko diru-laguntzarekin

Barakaldok Lanbide-Euskal Enplegu Zerbitzu Publikoari egindako proposamenak 117 pertsona kontratatzea aurreikusten du zuzenean, horietatik 47 gazte, gehienez 8 hilabetez

Enplegu Planari buruzko informazioa, bai eta langabeen kontratazio mugagabeagatik enpresei ematen zaizkien laguntzei buruzkoa ere, www.inguralde.eus webgunean eta Inguralderen sare sozialetan kontsulta daiteke.

Barakaldo, 2025eko irailaren 26a

Barakaldoko Udalak, Inguralde Garapen Agentziaren bitartez, Tokiko Enplegu Planak garatzeko prozesua abian jartzeko eskatu dio Lanbide-Euskal Enplegu Zerbitzu Publikoari. Eskaerek 52 proiektu publiko-sozial biltzen dituzte, 117 kontratazio zuzenez gain, eta udalerriko enpresek kontratuak diruz laguntzeko partida bat. Guztira, Lanbideri 2 milioi euro eskatzen zaizkio.

Tokiko Enplegu Plana langabezian dauden, udalerrian erroldatuta dauden eta Lanbiden enplegu-eskatzaile moduan izena emanda eta alta emanda dauden pertsonentzako da. Deialdi honen oinarrian dauden proiektu publiko-sozialak udal arlo eta sailen koordinazioan identifikatu eta garatuko dira: Hezkuntza, Gazteria, Kultura, Euskara, Ingurumena, Udal Zerbitzuak, Gizarte Ekintza, Haur Eskolak, Sistemak Teknologikoak, Herritarren Segurtasuna eta Laneko Prebentzioa eta Osasuna.

Proiektu publiko-sozialei lotutako kontratazioei dagokienez, ekimenak 70 pertsona kontratatzea aurreikusten du zuzenean, gehienez 6 hilabetez, 29 proiektu garatzeko. Horretarako, 1,02 milioi euro eskatu zaizkio Lanbideri, eta horietatik 834.000 euro ekimen honi dagozkio. Eskaintzen diren profilen artean daude basozain, peoi, sukaldaritza laguntzaile, aisialdi monitore, gazteen komunikazioaren dinamizatzaile, psikologoak, arte teknikariak, eraikuntza langile, egur-laguntzaile, albaitari…

Arlo horretan bertan, eta 192.000 euroko zenbatekoarekin, langabeen kontratazio mugagaberako laguntzen programa ere badago. Laguntza hauek Barakaldoko langabetuak 2024ko ekainaren 1etik 2025eko maiatzaren 31ra bitartean kontratatu dituzten udalerriko enpresa eta erakundeei zuzenduta daude. Kontratazio horiek enplegua garbi sortzea ekarri behar dute, aurreko 6 hilabeteetan enpresan zegoen batez besteko plantilla osoaren gainean.

Laguntza kostuen % 75 izango da, gehienez 8.000 €urtean, lanaldi osoko lan-kontratu bakoitzeko. Lanaldi partzialeko kontratuen kasuan, formula hori onartzen da, betiere lanaldiaren % 50 gutxienez betetzen bada, eta dirulaguntza lan egindako lanaldiaren proportzionala izango da. Diru-sarrerak bermatzeko errentaren jasotzaileak, titularrak edo onuradunak, 35 urtetik beherakoak, iraupen luzeko langabeak edo 55 urtetik gorakoak kontratatzen badira, zenbatekoa kostuen % 100 izango da, urtean 10.000 €gehienez ere.

Gainera, eutsi egingo zaie gutxienez hiru hilabeteko iraupena izan duten artisten, teknikarien eta ikuskizun publikoetako laguntzaileen kontratuetarako berariazko laguntzei.

2025eko Gazte Enplegu Plana

Horrez gain, 2025eko Gazte Enplegu Plana ere eskatu da, 997.972,94 euroko zenbatekoarekin, eta 16 eta 29 urte bitarteko 47 gazteren kontratazioa ahalbidetuko duten 23 proiekturekin. Kasu honetan, arriskuen prebentzio teknikaria, psikologoak, marketin digitaleko teknikaria, administrari, mugikortasun monitore, soinu laguntzaile, informatzaile, mekanikari, arkitekto eta bestelako profilak bilatzen dira.

Proiektu hau dagoeneko Lanbide Euskal Enplegu Zerbitzuaren onespena jaso du eta 997.000 euroko partida du.

Ekintza hauen inguruko informazio gehiago eskuratzeko, Inguralderen instalazioetara jo daiteke Innobak Beurko Eraikinean (Dolores Ibárruri Pasealekua, 82 - Beurko Zaharra), 944 189 044 telefono zenbakira deitu edo Inguralde webgunea kontsultatu. 

Herritar pilotua Tokiko Garapeneko Enplegu Plan Berrian

Bestalde, Barakaldo da hirietako bat pilotu moduan Tokiko Enplegu eta Garapeneko Plan berria prestatzeko, eta horren bidez Lanbidek Udalei ematen dizkie Enpleguari dagozkion eskumenak. Honek hiria aukera emango dio enplegu egoeraren diagnostikoa egiteko, tokiko enpresen beharrak aztertzeko… Diagnostiko horren bitartez, hiri bakoitzerako enplegu plan espezifikoak sortu ahal izango dira.