• Programa hau GARAPEN elkartearen, Paideia Galiza Fundazioaren eta EOI-ren arteko lankidetza-proiektua da.
• Marketin digitalarekin eta kooperatibismoarekin lotutako enpresak sortzea sustatzen du, prestakuntza-prozesu baten emaitza gisa.

Marketin digitala eta kooperatibismoa programa merkatuaren benetako eskaerari erantzun eraginkorra emateko beharretik sortu zen. Programa horri esker, parte-hartzaileek 190 prestakuntza-ordu baino gehiago izan dituzte marketin digitalean, eta, aldi berean, arlo horretako erronkei eta/edo proiektuei lotutako jarduera praktikoak egin ahal izan dituzte. Proiektua amaitzean, enpresa kooperatibak eratzeko prozesuan aurrera egin ahal izan dute.

GARAPENek urteak daramatza Paideia Galiza Fundazioarekin elkarlanean, beti jende gazteari lotutako proiektuetan lan eginez. Programaren 5. edizioa da aurtengoa. Orain arte, Madrilen, Sevillan eta Galizian eraman dira aurrera. Azken edizio hau GARAPEN-en parte-hartzeari esker egin da, Leioako Udalarekin eta Inguralde garapen agentziaren laguntzarekin, Paideia Galiza Fundazioaren eta EOI Industria Antolakuntzarako Eskolaren eskutik.

Lankidetza horri esker, parte-hartzaileek prestakuntza desberdinak jaso dituzte, esparru teorikotik haratago joanez. Hau da, proiektu honek parte-hartzaileei aukera eman die benetako enpresa bat sortuz, ikuspegi praktikotik lan egiteko.

Prestakuntza praktikoa

Prestakuntza-prozesu horrekin batera, Euskadiko eta Galiziako enpresak bisitatu dira, eta, horrela, prestakuntza duala bultzatu da. Prestakuntza horren bidez, lehen mailako profesionalekin harremanetan jartzeaz gain, marketineko eta kooperatibismoko benetako esperientziak ezagutu dituzte parte-hartzaileek, eta, horrela, ezagutza hori haien prozesuetan aplikatzeko aukera izan dute.

Gainera, parte-hartzaileek prestakuntza zabala jaso dute, marketin digitalarekin eta lankidetzarekin zerikusia duten arloetan. Horretaz gain, prestakuntzak bere barne hartzen zituen beste hainbat gai: Web posizionamendua, SEO, edukien egitura, customer development, ospe-branding-a edo email marketina. Horrek guztiak, ikaskuntza praktikoarekin batera, hezkuntza-esperientzia osoa bizitzeko aukera eman die parte-hartzaileei.

Enpresak sortzea

Programaren azken edizio honek hainbat enpresa sortzea ahalbidetu du.

For digital, parte-hartzaileek sortutako agentzietako bat da. Tokiko musikarien ibilbidea indartzeko helburua du, sare sozialetan edukiak eta publizitatea argitaratzen lagunduz Google Ads eta Facebook Ads bezalako plataformetan.

Hazkun Coop., Bizkaiko ostalaritza-sektoreko enpresa txiki eta ertainentzako marketin digitaleko zerbitzuak eskaintzeko sortutako kooperatiba da. Negozio-bolumena handitu nahi duten eta aldaketa digitaletara egokitu nahi duten negozioentzat zuzenduta dago haien zerbitzua. Bilatzaileetako eta sare sozialetako posizionamenduaren bidez, emaitzak hobetzea bilatzen dute.
Azkenik, Saban Marketin eta Ekitaldien agentziak soluzio integralak eskaintzen ditu marketin-zerbitzuak eta ekitaldi kulturalen eta korporatiboen antolaketarekin zerikusia duten zerbitzuak modu bateratuan eskainiz, enpresei eta administrazio publikoei zuzenduta.

Informazio gehiago: Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.

Doako programa, honako hauekin batera finantzatua: