Zabaldu du Udalak 18 eta 35 urte bitarteko gazteen prestakuntzarako laguntzen deialdia

Ekimenak 90.000 euroko partida dauka, eta prestakuntza ikastaroetan -hizkuntzak, masterrak, heziketa zikloak eta abar¿ egiaztatutako gastu osoaren % 20 eta 50 bitartekoa, eta, gehienez, material informatikoan egiaztatutako gastuaren % 30 berreskuratu ahal izango da. Urriaren lehenera arte aurkez daiteke eskaera telematikoki www.barakaldo.eus web bidez, Barakaldoapp bidez edo aurrez aurre, 010 telefono zenbakian hitzordua eskatuz.

Barakaldon, 2021ko irailaren 1ean

Barakaldo Udalak 18 eta 35 urte arteko gazteentzako prestakuntza-laguntzak eskatzeko epea  jarri du abian. Nerea Canterok gidatzen duen Kultura, Hezkuntza, Euskara eta Gazteria Arloak  90.000 euroko partida dauka  gazteek prestakuntza ikastaroetan eta material informatikoan gastatutakoa berreskuratzeko.

Laguntza jaso nahi duten gazteek urriaren 1era arte egin ahal izango dute eskaera. Bide ezberdinak prestatu dira, bai telematikoa, bai aurrez aurrekoa. Izapide telematikoa egiteko, udaleko egoitza elektronikoan sartu,  eta www.barakaldo.eus web bidez egin daiteke, edota Barakaldo App mugikorentzako doako aplikazio  bidez. Aurrez aurre egin nahi bada,  ezinbestekoa da hitzordua aurretik eskatzea 010 edo 944789200, Barakaldotik kanpo deituz gero, telefono zenbakietan.

Laguntzak 18 eta 35 urte bitarteko gazteentzat dira, eta prestakuntza-ikastaroetan, hizkuntzak, masterra, heziketa-zikloak egiaztatutako gastuaren guztizko zenbatekoaren % 30 eta % 50 arteko partida jaso dezakete. Halaber, material informatikoa erosteko egiaztatutako gastuaren % 30 berreskuratu ahal izango da, gehienez. "Ondo dakigu jakin, laguntza hauek laguntza ona direla gure gazteak planteatzen ari ziren prestakuntza-ikastaro hori egiten has daitezen edo ikasturte berriari begira behar duten inbertsioaren zati bat ordain dezaten. Trebatzen jarraitzeko pizgarria da", esan du Canterok.

Diruz lagundu ahal izango dira iazko irailaren 29tik aurtengo irailaren 30era bitartean egindako gastuak, zentro homologatuetako matrikulak barne. Egindako prestakuntzarekin zerikusia duten liburuetan eta material informatikoan egindako gastua ere ordainduko da. Gastuak egiaztatzeko, dagozkion fakturak aurkeztu behar dira.

200 LAGUNTZA INGURU 2020an

2020an abian jarritako laguntzen deialdiak 287 eskaera izan ditu, eta horietatik 187 onartu dira. Aitzitik, 100 eskaera ukatu behar izan dira, gehienbat oinarrietan ezarritako diru-sarrerak gainditzen zituztelako (76 eskaera), deialdian ezarritako epeetatik kanpo egindako ordainketak zirelako (11 eskaera), Arlotik eskatutako informazioa zuzendu ez zutelako (6 eskaera), ekimenaren xede den adin-tartetik kanpo zeudelako (4 eskaera) eta ez direlako zentro ofizialetan egin ikasketak (3 eskaera).

SUBIR