Barakaldok bere elkarkidetasun aurpegia erakusten du osasun arloko langileentzako babeserako baliabideak eginez. GUZTION ARTEAN!

Barakaldok 10.000 osasun-maskara fabrikatu ditu USOA Lantegian Osakidetzari bidaltzeko. Horrez gain, maskarak jostera eskaintzen diren pertsona eta entitateek, Inguralderen laguntza izango dute eskura beharrezkoa duten materiala entregatzeko eta prestatutako maskarak biltzeko. 

Alkatetza sailak material sanitarioa sortzeko borondatezko pertsonen eta erakundeen deiak koordinatzen ditu, eta polipropilenozko ehuna erosi du beren etxeetatik josteko prestatu direnei beharrezko lehengaia eskaintzeko. Gainera, Barakaldoko 'Makers'-ek 3D inprimagailuekin babes-pantailak fabrikatzen dituzte, Osakidetzari ere transferituko zaizkionak.
Barakaldo elkarkidetasunean eta borrokan ari den herria da, eta Koronabirus osasun krisian berriro erakusten ari du. Infekzioak prebenitzeko Norbera Babesteko Ekipamenduen (NBE) beharrak, Barakaldoko hiria, elkarteak, tokiko enpresak eta partikularrak bultzatu ditu elkartasun ekimenak abiaraztera, birusaren aurka babesteko materiala sortzeko asmoz, talde ahulenei entregatzeko helburuarekin.
Horrela, Udalak, USOA Lantegiaren bidez, lantokiak dituen arropa tailerretan maskara kirurgikoen fabrikazioa martxan jarri du desgaitasunen bat duten pertsonentzako. Maskara horiek fabrikatzeko material egokienari eta hauek hirian bertan fabrikatzeko aukerari buruzko beharrezko kontsultak egin dira, eta USOAk eguneko 600 maskara sortzea aurreikusi du, Osakidetzara joango diren 10.000 unitate sortzeraino, sanitarioen artean banatu ahal izateko.

BOLUNTARITZAREN ZENTRALIZAZIOA
Azken egunotan, udalerriko hainbat elkarte eta partikularrak harremanetan jarri dira Udalarekin beren etxetik oihal maskarak josteko prest daudela erakusteko. Hala ere, topatu duten arazo nagusia fabrikaziorako material falta da. 
Inguraldetik maskarak fabrikatzeko beharrezko materiala entregatuko dugu eta behin amaitutakoan, hauek bilduko ditugu osasun langile eta talde ahulenetara eramateko. Horretarako, beharrezkoa da Inguralderekin harremanetan jartzea telefonoz (944 78 94 00) edo posta elektroniko bidez (Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.) zure harremanetarako datuak emanez (izen-abizenak, telefonoa eta materiala entregatzeko eta bukatutako produktua biltzeko helbidea.) Maskarak lantzeko materialak, logistika eta eskura dugun denbora lortzeko mugak direla eta, ekimen hau Barakaldon bizi diren pertsonekin bakarrik burutuko da. Hala eta guztiz ere, Inguralde eta Udalaren partetik, asko eskertzen dugu elkartasunezko ekimen honetan bere buruarekin elkarlanean aritzeko interesa erakutsi duten beste udalerrietako pertsona guztiak. GUZTION ARTEAN!

Hemen maskara bat egiteko eredua deskargatu dezakezu.

Maskara nola egiteari buruzko bideoa

PANTAILAK 3D INPRIMATZAILEEKIN
Bestalde, Udala Barakaldon kokatutako hainbat enpresen eskura jarri da, beraien 3D inprimatze ekipoekin pantaila babesgarriak sortzeko borondatea erakutsi dutenak.  Horrela, udaletik 50 kilo PLA erosi dira, 3D inprimatzeko erabiltzen den materiala. Pantaila hauek Osakidetzarako izango dira.